Month: March 2021

好懷念以前煲韓劇嘅日子。嚟到呢間隱藏喺屋村商場嘅新派韓國餐廳，感受一下韓流，勾起好多美好嘅回憶，懷緬一下曾經喺街頭食韓式小食嘅滋味～～～ 呢間新開嘅韓國食店，選擇都幾多，有漢堡包、熱狗、飯、意粉、炸雞等等。既然餐廳叫韓堡，咁就梗係要試下漢堡啦！經典芝士牛肉漢堡，果然好味，芝士醬濃郁，牛肉夠厚身，夠Juicy，正！蕃茄同埋菜都好新鮮，可以食到蔬菜嘅甜味。食完個包，好有飽足感。 捷誠工程好榮幸為梨木樹廣場韓堡提供燈光設計同埋水電服務。 捷誠工程為顧客提供貼身而且高效率嘅維修服務，一年保養，顧客無論遇到乜嘢困難，我哋都會一一去排解，務求令到顧客高枕無憂。

係咪好想去台灣呢？疫情期間，我哋可以點樣去止一止「台灣癮」呢？不如試吓嚟茶飯號啦！ 茶飯號係一間台式小食店，店舖雖然細細地，但係包羅萬有，例如滷肉飯、台式飲品、台式甜品等等。嚟到茶飯號，你會覺得自己好似喺台灣嘅街頭，食緊台灣嘅地道美食。 我哋好榮幸為梨木樹廣場茶飯號提供燈光設計同埋水電服務。我哋為顧客提供貼身而且高效率嘅維修服務，一年保養，顧客無論遇到乜嘢困難，我哋都會一一去排解，務求令到顧客高枕無憂。

熊貓小雲吞以川式麻辣為主打。啱晒啲鍾意食川菜嘅人。餐廳裝潢簡約亮麗，座位寬闊舒適，廚房係開放式嘅，可以清楚睇見廚師製作食物嘅過程，咁就可以食得安心又放心啦！ 先來睇吓主打小雲吞，外型精緻小巧，一粒一啖，雲吞皮薄餡靚，味道濃郁，有辣有唔辣。紫菜湯底清淡，米線爽滑，配料豐富，加埋麻辣小雲吞，正！一碗雲吞唔夠喉，不如嚟多客炸雞翼，雞翼表面落咗孜然粉，香脆惹味，充滿肉汁，辛辣，正！仲未夠喉呀，不如嚟多個紅糖糍粑啦，紅糖糍粑嘅外層灑滿左芝麻，芝麻上面係紅糖漿再加少少黃豆粉，入口酥脆軟糯，好味！最後不如飲番杯青蘋果茉莉花茶先，呢個配搭真係恰到好處，冰涼解渴，中和咗啲辣味，可以帶着甜甜嘅幸福感返屋企。 我哋為油塘熊貓小雲吞提供燈光設計同埋水電服務。我哋為顧客提供貼身而且高效率嘅維修服務，一年保養，顧客無論遇到乜嘢困難，我哋都會一一去排解，務求令到顧客高枕無憂。